Çavuşoğlu häm Tillerson matbuğat oçraşuı ütkärde
Tillerson:" Tramp citäkçelege Törkiyä belän mönäsäbätlärne üsterüne däwam itteräçäk"
Törkiyä tışqı êşlär ministrı Mävlüt Çavuşoğlu belän Amerika Quşma Ştatları däwlät särqätibe Reks Tillerson üzara küreşep söyläşkännän soň urtaq matbuğat oçraşuı ütkärde.
Çavuşoğlu matbuğat oçraşuında tübändägelärne citkerde:”AQŞ citäkçelege häm bäyläneşle oyışmalar AQŞta “YPG” belän “PKK”nıň ayırması bulmawın qabul itä. “PKK” terror isemlegendä , ämma qızğanıç Süriyädä “YPG” belän ütkännärdä xezmättäşlek kürdek häm êlekke citäkçelekneň “YPG”ga yaqlaw kürsätüen dä kürdek”.
Çavuşoğlu “Fätullahçı terror oyışması /parallel’ däwlät qorılışı” citäkçese Fätullah Gülänne Törkiyägä qaytarıp birü belän bäyle dokumentlarnı AQŞ räsmi zatlarına tapşıruların häm bu mäs’älädä konkret adımnar kötülären belderde.
AQŞ däwlät särqätibe Tillerson oçraşuda 3 töp tema xaqında söylaşülären, alarnıň “DEAŞ” terror oyışması,iqtisadi mönäsäbätlär häm töbäktäge totrıqlılıq buluın citkerde.
Törkiyäneň “DEAŞ” terror oyışmasına qarşı köräştä möhim partnyer buluın beldergän Reks Tillerson Tramp citäkçelegeneň Törkiyä belän mönäsäbätlärne üsterüne däwam itteräçägenä basım yasadı.
