İlbaşı TRT tapşıruında qatnaştı
Ärdoğan kön tärtibe belän bäyle sorawlarğa cawap birde
Törkiyä ilbaşı Räcäp Tayyip Ärdoğan Törkiyä teleradiokompaniyäse TRT tapşıruında qatnaşıp kön tärtibe belän bäyle sorawlarğa cawap birde.
Ärdoğan 16 nçı aprel’däge referendum çaraları qısasında Germaniyadağı watandaşlar belän oçraşu öçen êşçänleklärneñ däwam itüen belderde.
İlbaşı ğorbätçelärne tawış birergä çaqırdı, monıñ Könbatışqa, dön’yağa iñ yaxşı cawap bulaçağın assızıqladı.
Ärdoğan:”Bezneñ watandaşlarıbız belän bağlanışlarıbızdan könläşälär. Närsä genä êşläsälär dä bezne ber-berebezdän ayıra almaslar”,-dide.
Törkiyä ilbaşı Rusiya säfärendä söyläşü kön tärtibendäge töp mäs’äläneñ Süriyä bulaçağın , şulay uq ike yaqlı häm regional’ mäs’älälärneñ dä qaralaçağın citkerde.
Ärdoğan Töp Qanun üzgäreşe belän küzdä totılğan ilbaşı idaräse xökümät sistemasında ministrlar kabinetınıñ betäçägen ,parlamentnıñ qanun çığaru häm kontrol’ itü köçeneñ artaçağın belderde.
Ärdoğan:” Cömhüriyät tözelüneñ 100 yıllığı bulaçaq 2023 nçe yılğı maqsatlarnıñ täwge 10ısına yaña sistema belän ireşä alırbız”,-dide.
İlbaşı yaña sistemada terrorğa qaşı köräştä tağın da yaxşı näticälärgä ireşü mömkin bulaçağına basım yasadı.
İlbaşı Räcäp Tayyip Ärdoğan “Fätullahçı terror oyışması/parallel’ däwlät qorılışı”( FETÖ/PDY)nıñ 15 nçe iyül’däge tüntäreleş kereşüe belän bäyle bularaq, “15 nçe iyül’dä xalqımnıñ imanın, Watanına mäxäbbäten kürdem. 16 nçı aprel’ 15 nçe iyül’ belän xisaplaşu köne bulaçaq”dide.
İlbaşı iqtisad mäs’älälärenä dä tuqtalıp êş belän täêmin itüdä problemalarnı xäl itäçäklären ,êşsezlekneñ kimiyäçägen citkerde.
Bäyläneşle xäbärlär
Xaqan Fidan söyläşükär ütkärä
Törkiyä tışqı êşlär ministrı Soğud Ğaräbstanlı häm Qatarlı wazifadaşları belän küreşte