Germaniyağa Törkiyä oppoziśiyasınnan reakśiya
“Germaniyanıñ möğamäläse ike il mönäsäbätlärenä zarar birä ala”
“Cömhüriyät xalıq” partiyasınıñ (CHP) parlamenttağı törkem başlığı wäkile Özgür Özäl Törkiyä isemennän çit ildä bulğan ministrğa yuğarı däräcäle diplomatik mönäsäbätlär êçendä bulğan il tarafınnan ğamäli śenzura diyärlek qullanıluınıñ qabul itelmäslek buluın äytte.
“Anadolu” agentlığı xäbärçeseneñ sorawlarına cawap birüçe Özäl: “Bezneñ belän näq kire fikerlärgä iyä beräw dä bulsa berlektäş häm dus ildä oçraşqan şuşı möğamälägä kisken räweştä qarşı çığabız”, - dip äytte.
“CHP”neñ härwaqıt süz iregen yaqlawın assızıqlawçı Özäl härkemneñ fikerlären irekle räweştä yaqlawnı, monıñ berniçek tä totqarlanmawın xuplawlarına basım yasadı.
Özäl Törkiyäne çit ildä wäkillek itüçe ministrğa kürsätelgän bu möğamäläneñ diplomatik bularaq ike il mönäsäbätlärenä zarar birä alaçaq totış buluına iğtibarnı yünältte.
Germaniyanıñ totışına “Xalıqlarnıñ demokratik” partiyası da (HDP) reakśiya belderde.
“HDP” süzçese Osman Baydämir: "Säyäsätçe telägän urında telägän fikeren äytä alırğa tiyeş. Häm fikere arqasında totqarlanmasqa, tıyılmasqa, çitläşterelmäskä tiyeş”, - dip äytte.
