Törkiyä Ärmänstannı ğayepläde
Tışqı êşlär ministrlığı: “Ärmänstannıň 24 nçe fevral’ tönendä Azärbaycanğa yünälgän awır qorallar belän höcümen ğayeplibez”
Törkiyä Azärbaycan çik buyında küzätelgän waqiğalar säbäbe belän Ärmänstannı ğayepläde.
Tışqı êşlär ministrlığınıň bu xaqtağı yazma belderüendä “Ärmänstannıň 24 nçe fevral’ tönendä Azärbaycanğa yünälgän awır qorallar belän höcümen ğayeplibez” diyelde.
Ministrlıq höcümdä şähit bulğan Azärbaycan ğaskärlärenä yarlıqaw teläde häm barlıq Azärbaycan xalqınıň qayğısın urtaqlaştı.
Yazma belderüdä Ärmänstannıň çirek ğasır Azärbaycan cirläreneň biştän ber öleşen yaw astında totuına basım yasaldı.
Törkiyä tışqı êşlär ministrlığı êlegräk küzätelgän köçle bäreleşlärneň qabatlanmawı öçen Ärmänstannı utnı tuqtatunı ütärgä çaqırdı.
Belderüdä Azärbaycannıň cir bötenlege häm möstäqillege qısasında ğadel häm daimi çişeleş öçen Törkiyäneň yaqlaw kürsätüne däwam itteräçäge assızıqlandı.
Yazma belderüdä Törkiyä tışqı êşlär ministrı Mävlüt Çavuşoğlunıň mäs’älä belän bäyle Azärbaycan tışqı êşlär ministrı Älmar Mämmädyarov belän telefonnan söyläşüe dä citkerelde.
