Djosef Danford Törkiyägä kilde

Amerika Quşma Ştatları Ğomüm ştab başlığı Djosef Danford Törkiyägä kilde.

Danford Adanada İncirlik nığıtmasında Ğomüm ştab başlığı Hulusi Akar belän söyläşü ütkärde.

İke il ğomüm ştab başlığınıñ söyläşüdän soñ qısqa açıqlaw yasawları kötelä.

Törkiyäneñ Milli saqlanu ministrı Fikri Işık NATO Saqlanu ministrları cıyılışında qatnaşır öçen kitkän Bel’giya başqalası Bryussel’da Danfordnıñ säfäre belän bäyle açıqlaw yasağan ide.

Fikri Işık törek häm Amerikan taraflarınıñ xärbi cähattän Rakka operaśiyaseneñ bergä başqarılıp, başqarılmayaçağı mäs’äläsendä möhim bäyäläwneñ yasalaçağın belderde.

Texnik êşçänleklär çınğa aşırılğannan soñ qararnıñ qabul iteläçägen äytkän ministr tübändägeçä däwam itterde: “AQŞ separatist PKK terror oyışmasınıñ Süriyädäge törkeme PYD/YPGgä yärdämneñ kürsätelmäwen küzdän kiçeräçäk. PKK belän köräş mäs’äläsendä kübräk yärdäm kürsätäçäk.”

Amerikan küzläw oyışması CİA başlığı Mayk Pompeo da berençe çit ilgä säfären uzğan atnada Törkiyägä yasağan ide.

Pompeonıñ säfärendä PYD/YPG häm Fätullahçı terror oyışması/parallel’ däwlät qorılışı FETÖ belän ber rättän şaqtıy möhim mäs’älä qaralğan ide.