İlbaşı Ärdoğan Qatarda

Başqala Dohada Qatar ênergetika häm sänäğät ministrı Möxämmäd Al Sada häm Qatarnıñ Änkara tulı wäqalätle ilçese Salim Möbaräk Al Şafi, Törkiyäneñ Doha tulı wäqalätle ilçese Äxmät Dämirok belän ilçelek räsmiläre qarşı alğan İlbaşı Ärdoğan Qatar êlekke Ämire Şäyex Hamad Bin Halifä Al Sani belän küreşep söyläşte.

İlbaşı Ärdoğan çärşämbe könne Qatar Ämire Şäyex Tämim bin Hamad Al-Sani  tarafınnan räsmi tantana belän qarşı alındı.

Tantanadan soñ qara-qarşı häm wäkilleklärara söyläşülär başladı.

Säfär dekabr’ ayında Trabzonda ütkärelgän Törkiyä-Qatar yuğarı strategik komitetınıñ ikençe cıyılışınnan soñ yasala.

Komitetnıñ berençe cıyılışı 2015nçe yılnıñ dekabr’ ayında Qatar başqalası Dohada uzdırılğan ide.

Törkiyä İlbaşı belän bergä xäläl cefete Äminä Ärdoğan, Ğomum ştab başlığı armiya generalı Hulusi Akar, Tışqı êşlär ministrı Mäwlüt Çavuşoğlu, İqtisad ministrı Nihat Zäybäkci, Ênergetika häm tabiği çığanaqlar ministrı Bärat Albayraq, Milli saqlanu ministrı Fikri Işık belän Milli küzläw oyışması kiñäşçese Hakan Fidan da Qatar säfären qıla.