CİA başlığı Änkarada

Amerikan küzläw oyışması CİA başlığı Mayk Pompeo Törkiyäneñ Milli küzläw oyışması MİT kiñäşçese Hakan Fidannıñ räsmi qunağı bularaq başqala Änkarağa kilde.

Pompeo wazifasına başlağannan 17 könnän soñ regional’ säfärlär qısalarındağı berençe çit il säfären Törkiyägä çınğa aşıra.

CİA başlığı programmasında MİT kinäşçese Hakan Fidan belän ber rättän ilbaşı Räcäp Tayyip Ärdoğan belän dä küreşep söyläşü bar.

Säfärdä terrorçılıq belän ber rättän Süriyäneñ Äl Bab töbägendä baruçı häm Rakka töbägendä ixtimal operaśiyalär dä bäyälänä.

Söyläşülärdä Amerikan tarafının separatist PKK terror oyışmasınıñ Süriyädäge törkeme PYD/YPGğa yärdäm kürsätmäwe taläbe tağın ber tapqır kön tärtibenä kilä.

Säfärdä ayıruça Fätullahçı terror oyışması FETÖ belän köräş mäs’äläseneñ dä qaraluı kötelä.