“Ğiraqnıñ möstäqillege häm bötenlege bezneñ öçen zur ähämiyätkä iyä”

Törkiyä prem’yer-ministrı Binali Yıldırım Ğiraq säfäre qısasında Bagdatta Ğiraq prem’yer-ministrı Haydar äl-İbadi belän matbuğat oçraşuı ütkärde.

Binali Yıldırım biredä yasağan çığışında tübändägelärne citkerde:” Uzğan könnärdä sezneñ “PKK”nıñ Ğiraq cirlärennän Törkiyägä zıyan kiterüenä röxsät birmäyäçäkbez”digän açıqlawığız bezneñ öçen zur ähämiyätkä iyä. Bu terrorğa qarşı bergä närsälär başqara aluıbıznı bik açıq räweştä kürsätä. Ğiraqnıñ möstäqillege bezneñ öçen bik möhim. Aña zarar kiteräçäk nindi dä bulsa kereşügä rizalığıbız yuq. Ğiraqnıñ bötenlege dä bezneñ öçen zur ähämiytkä iyä”,-dide.

Yıldırım Başikadağı törek ğaskärläre xaqında “Bu mäs’älä xaqında söyläştek.Töbäkne “DEAŞ”tan arındıruda şaqtıy alğarış täêmin itelde. Älege mäs’äläne duşlarca xäl itäçäkbez”,-dide.

Binali Yıldırım Sincardağı “PKK” êlementları belän bäyle tübändägelärne citkerde:” Päşmärgä häm Ğiraq üzäk köçläre belän Sincarnıñ terrordan arındırıluı öçen tiyeşle êşçänleklär başqarılaçaq. Bezneñ öçen terror qaydan ğına kilsä dä ber ük törleder.Şuña kürä Sincar berençe çiratta iñ zur qurqınıçnı bezgä tudıra. Bu mäs’älädä kiräkle xezmättäşlek başqarırğa äzerbez.Barı tik Sincar ğına tügel, böten Ğiraq cirlärennän ilebezgä yünälgän terror çaralarına qarşı xezmättäşlekne däwam itteräçäkbez”.  

Prem’yer-ministr irtägä Ärbilgä kitäçäk.