"İncirlik bazasın yabu xoquqıbız bar"

Törkiyä däwlät başlığı idaräseneñ süzçese İbrahim Qalın Törkiyäneñ İncirlik bazasın yabu xoquqınıñ här waqıt bulğanın iskä töşerep:

“Amma başta şartlar bäyäläner”,dide.

Qalın şäxsi ber televideniye kanalında sorawlarğa cawap birde.

Süriyädä ber terror koridorı barlıqqa kiterüenä ber qayçan dä röxsät birelmiyäçägen qabatlağan İbrahim Qalın:

“DEAŞ belän köräştä berlektäşebez dä yärdäm itergä tiyeş. Amerikan idaräse Süriyä oppoziśiyasına birgän süzlärne totsa ide, Süriyä oppoziśiyäse xäzerge kebek köçsez bulmas ide bälki Xälebtä yäşänängännär yäşänmäz ide”,-dip söyläşte.

Qalın Amerika Quşma Ştatlarınıñ : “Süriyädä 20 çaqrımnıñ astında oçmıyq”şäkelendä ber argument barlıqqa kitergännärenä iğtibarnı caläp itep şuşı süzlärne söyläde:

“20 çaqrımnıñ astına 30-35 çaqrımğa tübän töşkänegezdä ,asta Afrin belän Mümbiç arasında ber PYD koridorı barlıqqa kiterüe yäki saqlap qaluı maqsat itep alına.Bez mondıy koridornıñ qorıluına, ber terror koridorınıñ barlıqqa kiterüenä ber qayçan da röxsät birmiyäçäkbez. Mondıy koridor qorıluı –ber qayçan qabul itelä almaz.Milli iminlegebez häm faydalarıbız cähätennän häm DEAŞ belän köräş alıp baru cähätennän dä qabul itelä almaz”.

Qalın Süriyädäge ut tuqtatu mäsäläsendä Qazaqstannıñ başqalası Astanada ütkäreläçäk oçraşular belän bäyle bularaq da Süriyä xalqının wäkil itkän, oppoziśiyanı wäkil itkän çın wäkilläreneñ bulacağın, terror oyışmalarınıñ ber nindi räweştä ul oçraşuda bulmayacağın söyläde.