Binali Yıldırım kisätte

Törkiyä Premyer-ministrı Binali Yıldırım terror ğämälläre belän bäyle sośial mediada urtaqlaşu yasağanannarnı kisätte.

Premyer-ministrı Yıldırım, sośial media xisabınnan urtaqlaşqan yullamada terror oyışmalarınıñ berbersennän ayırımı bulmağanın söyläde.

Yıldırım bu oyışmalarnıñ maqsatınıñ ayawsız räweştä keşelärne üterü, cämäğättä qurqu häm qayğı xäsrätne barlıqqa kiterü buluın citkerde.

Terrorçılıqnı maqtaw- cinayät buluın beldergän Premyer-ministr Yıldırım:

“Watandaşlarğa sośial mediada cawaplı totış kürsätü, oyışmalarnıñ maqsatına öleş kertä torğan urtaqlaşulardan tıyılırğa  möräcäğät itelä”,yullamasın urtaqlaştı.

Ğadalät ministrı Bäkir Bozdağ da terrorçılıqnı, terror oyışmalarnı, terrorçılarnı häm terror ğämällärne maqtaw häm xuplawnıñ cinayät buluın assızıqlap, cömhüriyät prokurorlarnıñ bu mäsälädä tikşerü açaçağın söyläde.