İke il ministrınnan urtaq belderü
Törkiyä häm Rusiya tışqı êşlär ministrları Mäskäwdä Änkaradağı terror höcümen tağın ber tapqır kisken räweştä ğayepläde
Rusiya Federaśiyäseneñ Änkaradağı tulı wäqalätle ilçese Andrey Karlovnıñ üterelüennän soñ ike il ministrı urtaq belderü yasadı.
Törkiyä tışqı êşlär ministrı Mävlüt Çavuşoğlu Mäskäwdä Sergey Lavrov belän bergä Änkaradağı terror höcümen tağın ber tapqır kisken räweştä ğayepläde.
Süriyä xaqında söyläşü öçen cıyılğan ike il wäkilleklären citäkläwçe tışqı êşlar ministrları cıyılıştan êlek Änkarada ilçegä yasalğan höcüm belän bäyle belderü yasadı.
Rusiya Federaśiyäse tışqı êşlär ministrı Sergey Lavrov bu höcümneñ Törkiyä belän mönäsäbätlärgä zyan sala almayacağın assızıqladı.
Lavrov:”Bu cinayät’ne oyıştıruçılarnıñ plannarı tormışqa aşa almayaçaq çaralar küräçäkbez”,-dide.
Sergey Lavrov tulı wäqalätle ilçe Karlovnı üterüneñ Süriyädä terrorğa qarşı köräşne totqarlaw öçen planlaştırılğan bula aluın citkerde.
Mävlüt Çavuşoğlu isä Karlovnıñ Änkarağa cibärelgän iñ yaxşı diplomatlardan berse buluın belderep, Rusiya xalqınıñ qayğısın urtaqlaştı.
Çavuşoğlu Änkaradağı Rusiya Federaśiyäse tulı wäqalätle ilçelege urnaşqan uramğa Karlov iseme bireläçägen dä belderde.
