Xäleb xalqı Ärdoğanğa räxmätle

Süriyädä rejim häm İran citäkçelegendäge şiğıy suğışçılar qamawındağı könçığış Xälebtän çığıp, oppoziśiya kontrolendäge İdlibkä barıp citkän Xäleb xalqı Törkiyägä häm ilbaşı Ärdoğanğa räxmätlären beldergän.

İdlibkä alıp barılğan meñ 150 Xäleb keşesennän Ali Salim başta Allah, soñınnan Törkiyä häm Ärdoğanğan räxmät belderüen citkergän.

Törkiyäneñ bäysez Süriyä xalqı belän yärdämläşü êçendäge berdänber il buluın äytkän Salim şaqtıy il tarafınnan yalğız qaldırıluların häm xıyanät kürülären beldergän.

Salim tübändägeçä citkergän: “Ğaräplär bezne ülemgä duçar itte, üz urınnarı öçen bezne sattı. Qabat qaytaçaqbız inşallah, kitkän öçen borçılmıybız, qabat qaytaçaqbız. Bar dönya Xälebkä qarşı suğış iğlan itüdä berläşte. Amerika bezgä qarşı yäşeren räweştä suğıştı. Berkem dä bezneñ yaqlı bulmadı, barı tik Allah häm Ärdoğanlı Törkiyä yanıbızda.”

Konvoy belän İdlibkä barıp citkän ğarip Äxmät Salih tä Xäleb xalqınıñ imin êvakuaśiyasendä zur rol’ uynağan Törkiyägä räxmäten beldergän.

Ğaräp illärenä dä möräcäğat itkän Salim: “Balalarıbız üterelde, xatınnarıbız küz yäşe tügä. Öylärebez cimerelde. Alarğa bez kiçergännärne berkemneñ dä kiçermäwen xäterlätergä telim.”