Binali Yıldırım İshak Cihangiri belän söyläşü ütkärde

Törkiyä premyer-ministrı Binali Yıldırım İran däwlät başlıqnıñ berençe urınbasarı İshak Cihangiri belän telefonnan söyläşü ütkärde.

Söyläşüdä ike yaqlı mönäsäbätlär häm ayıruça Süriyäneñ Xäleb şähärendäge  soñğı täräqqıyätlär belän bäyle regional mäsälälär bäyälände.

Premyer-ministr Yıldırım Cihangirigä Xälebtä küçerülärneñ başlanğanın, fäqat küçerü barışında tınıç xalıqqa qarşı höcümnärneñ yasalğannarın citkerde.

Yıldırım Xälebtäge keşelek wazğiyäteneñ bik borçıy torğan buluı, bu qısada şähärdän küçerüneñ mäsäläsez ber räweştä däwam itüe häm regionğa humanitar yärdäm ireşelüe öçen Törkiyäneñ buldırğan bar närsäne yasarğa xäzer buluın belderde.