"Küktörek-1" iyärçene oçırtıldı
Törek Qorallı Köçläreneñ (TSK) maqsatlı tikşerü êşläreneñ ixtiyacların, geografiya çikläwen yasamıyça dönyanıñ här urınnan yuğarı sıyfatlı iyärçen küreneşe belän çağıştıraçaq "Küktörek-1" iyärçene Franśuz Gviyanasınnan oçırtıldı.
Törkiyä däwlät başlığı Räcäp Tayyip Ärdoğannıñ qatnaşuı belän dä Hawa Köçläre komandirlığı häm Saqlanu sänäğät kiñäşmä idaräseneñ oyıştıruı belän Törek aviaśiya häm Ğiylem Sänäğäte Anonim şirkäte (TUSAŞ) Akıncı asqorılmalarında oyıştırılğan tantanada oçıru mizgele turıdan qaraldı.
Törkiyä däwlät başlığı Ärdoğan tantanada yasağan çığışında Törkiyäneñ üz texnologiyäsen üsterüen däwam itäçägen söyläp kitep "Küktörek-1" iyärçenneñ qotlı buluın teläde.
"Küktörek-1" (GÖKTÜRK-1) iyärçännärendäge cirle öleş kertüneñ 20% külämendä buluın açıqlağan Ärdoğan:
“Bügen çınnap ta bik dulqınlanam. Tağın da zur uñışlar , tağın da zur proyektlar bezne kötä”,digän süzlärne qullandı.
Yaqınça ber tur 90 minutta böten dönyanı äylänep çığa torğan iyärçenneñ , yılda 60 meñnän artıq video töşerüe küzdä totıla.
İyärçen Törkiyä aşa här kiçüendä dönyanıñ törle töbäklärennän töşerelgän fotoräsem häm küreneşläre Hawa Köçläre komandirlığı İyärçen urını stanśiyäsenä küçereläçäk.
Dönyadağı oxşaşlarına kürä şaqtıy yuğarı sıfatlı videolarnı citkeräçäk iyärçen, cämäğätçelek oyışmaları öçen ekologiya häm qorılışnıñ küzätep baruı, awıl hucalığı uñdırışlılığı bilgeläwe, şähär xakimiyäte idaräseneñ köyläwläre, çik buyı sızığı kontrole,kadastr êşçänlekläre kebek şaqtıy ölkadä yıraqtan qabul itü xezmätlärne yasıy alaçaq.
Bäyläneşle xäbärlär
Ärdoğan: "Netan'yaxu cawap biräçäk"
Törkiyä ilbaşı Ğazzädä qan qoyuçı İzrailgä tağın ber qat reakśiyä belderde
Bratislava-İstanbul reysları başlandı
Slovakiya başqalasınnan berençe tapqır İstanbulğa oçqıç säfäre başlandı