Kire qaytqan Süriyälelärneñ sanı 16meñgä citkän

Süriyädä 6 yıl buyınça däwam itkän grajdanlıq suğıştan qaçıp Törkiyägä kilgän sıyınuçılar  Färat Qalqanı xäräkäte qısasında DEAŞ terror oyışmasınnan arındırılğan töbäklärgä qaytarğa däwam itälär.

Ğaziantäp vilayät idaräse tarafınnan Karkamış ilçäsendä terkäw eşçänlekläre yasalğan Süriyälelär Qaçaq idaräse vilayät mödirlege törkemnäreneñ küzätüe belän illärenä qaytalar.

Yannarına alğan äyberläre belän  Karkamış Tamğaxanä Qapqasına kilgän, aralarında xatın-qız häm balalarnıñ bulğan 250 keşelek Süriyäle törkem iminlek kontrolennän soñ Cärablusqa kiçte.

Bäysez Süriyä Armiyäse äğzalarınıñ tamğaxanä qapqasında qarşı alınğan Süriyälelärneñ äyberläre transportlarğa töyälep öylärenä ireşterelgän.

Süriyäneñ tönyağınıñ terror äğzalarınnan arındırıluı öçen 24 nçe avgust könendä Törkiyäneñ citäkçelegendä başlatılğan Färat Qalqanı xaräkäte qısasında bu waqıtqa qadär Törkiyädän Cärablusqa  kire kitkän Süriyälelärneñ sanı 16meñgä citkän.