"Atatörek millätebezneñ milli xäterendä yäşäyäçäk"

Törkiyä Böyek Millät Mäclese başlığı İsmail Qahraman da 10nçı noyabr’ Atatörekne iskä alu köne häm Atatörek atnalığı mönäsäbäte belän yasağan yullamasında: "Törkiyä Böyek Millät Mäcleseneñ berençe başlığı, däwlätebezneñ berençe İlbaşı, azatlıq suğışınıñ komandirı Mostafa Kämal Atatörekne wafat buluınıñ 78 yıllığında böten millät bularaq iskä alabız”, - dip äytte.

Atatörekneñ saylanğan berençe Parlament başlığı bularaq däwlätneñ iñ awır yıllarında üz östenä alğan cawaplılıq belän Berençe Bötendönya suğışı axırında zur tar-mar itelülärgä duçar itelgän däwerdä bäysezlek suğışın Törkiyä Böyek Millät Mäclese belän bergä idarä itüen belderüçe Qahraman:

- "İmperialist däwlätlärneñ Anadoluda qalğan soñğı “İslam bayrağın” da töşerü öçen başlatqan yaw xäräkätenä qarşı, milläten üz yazmışın saqlarğa çaqırıp, xörriyätebezne häm bäysezlegebezne qazanuıbızğa liderlıq itüçe Mostafa Kämal millätebezneñ milli xäterendä yäşäyäçäk.”

Premyer-ministr Binali Yıldırım da 10nçı noyabr’ Atatörekne iskä alu köne mönäsäbäte belän yasağan yullamasında: “Atatörekneñ “iñ zur äsärem” dip äytkän Törkiyä Cömhüriyäte bügen dönyada süze tıñlanğan, duslığı êzlängän häm xalıqara problemalarnıñ çişeleşendä aktiv rol’ne üz östenä alğan yuğarı däräcägä iyä il wazğiyätendä”, - dip äytte.