"Törkiyä Parlamentın bombalawçı Rusiyä tügel"

Rus strategist häm politolog Aleksandr Dugin Rusiyä Federaśiyase däwlät başlığı Vladimir Putinnıñ Törkiyägä strategik partnerlik täqdim itüen häm duslıq qulın suzuın äytte.

Ğadälät häm qalqınu partiyaseneñ törkem cıyılışın qarağan rus strategist häm politolog Aleksandr Dugin soñınnan Törkiyä Böyek Millät Mäcleseneñ Fätullahçı terror oyışması/parallel’ däwlät qorılışınıñ 15nçe iyul’ könge tüntäreleşendä zıyan kürgän urınnarın gizde, anda jurnalistlarnıñ sorawlarına cawap birde.

Rusiyä däwlät başlığı Vladimir Putin yullamasınıñ bulıp bulmawı sorawına Dugin Putinnıñ xäräkätläre belän bolay da yullama yasawın belderde.

Dugin: “Xörmätle Putinnıñ iñ möhim yullaması Törkiyägä strategik partnerlik täqdim itü häm duslıq qulın suzu,” – digän.

“Törkiyä NATO äğzase, strategik partnerlik Törkiyäneñ poziśiyasenä qarşı kilmime?” sorawına Aleksandr Dugin tübändägeçä cawap birde: “Ul sezneñ qararığız. Sez bäysez milli däwlät idegez. Törkiyä Böyek Millät Mäclesen bombalağan keşelärneñ artında kemneñ toruın beläsez. Bu Rusiyä tügel.”