Törkiyä ilçese: “Amerika xalqınnan yaqlaw köttek”

Törkiyäneñ Waşington tulı wäqalätle ilçese Särdar Kılıç Awrupa häm amerikan matbuğatınıñ ber öleşeneñ häm xätta qayber säyäsätçelärneñ “Fätullahçı” (FETÖ/PDY) terror oyışması/parallel däwlät qorılışınıñ 15nçe iyül’däge tüntäreleş kereşüe belän bäyle bäyäläwneñ küñel qaytaruına basım yasadı.

Waşingtonda Amerika Quşma Ştatları-Törkiyä mönäsäbätläreneñ 35 yıllığı konferenśiyasın yomğaqlaw utırışında Törkiyäneñ Waşington tulı wäqalätle ilçese Särdar Kılıç, Amerika Quşma Ştatları däwlät särkätibe urınbasarı Antony Blinken häm Amerika Quşma Ştatlarınıñ Änkara tulı wäqalätle ilçese John Bass qatnaşuçılarğa möräcäğät itte.

İlçe Kılıç, 15nçe iyül’ tüntäreleş kereşüe aldında berlektäş Amerika Quşma Ştatlarınıñ tağın da anıq totışta buluın kötülären assızıqlap: "Amerikan xalqınnan, mediasınnan häm töşençä oyışmalarınnan tüntäreleş kereşüennän soñ tağın da köçle reakśiya häm yaqlaw köttek”, - dip äytte.

Kılıç, Törkiyäneñ xoquq östenlegenä qarap idarä itelgän il buluına işarä itep, xäzerge ğadättän tış xäl çarasınıñ töp qanunğa häm Awrupa Berlege xoquqına turı kilüen assızıqladı.

“PKK” terror oyışmasınıñ Süriyädäge törkeme bulğan “PYD/YPG”gä Amerika Quşma Ştatlarınıñ qoral birüen Törkiyäneñ döres dip tapmawın xäterlätüçe ilçe Kılıç bu qorallarnıñ “PKK”nıñ qulına uzıp, Törkiyägä qarşı qullanıla alınaçağın kisätep: “Monıñ qabul itelmäslek näticäse - NATO äğzase bulğan Törkiyäneñ NATOnıñ başqa ber äğzaseneñ qoralı belän höcümgä duçar buluı”, - dip äytte.

Törkiyäneñ “DEAŞ”qa qarşı operaśiyälärdä iñ täêsirle illärdän berse buluına iğtibarnı yünältüçe Kılıç “Färat qalqanı” xäräkäte qısalarındağı “İrekle Süriyä ğaskäre”nä bulışlıq kürsätelüçe adımnarnı ürnäk itep bilgeläp uzdı häm mäydanda “PYD/YPG”dän tış ta täêsirle häm äzer köçlär buluın belderde.

Amerika Quşma Ştatları däwlät särkätibe urınbasarı Antony Blinken isä, üztänqitläw yasap, “Fätullahçı” (FETÖ/PDY) terror oyışması/parallel däwlät qorılışınıñ 15nçe iyül’däge tüntäreleş kereşüe belän bäyle bularaq törek xalqınıñ närsä xis itüen töğayen bularaq añlıy almawların äytte.

Süriyädäge täräqqiyätlärgä dä tuqtalıp uzuçı Blinken “DEAŞ” terror oyışmasınıñ töbäktäge iñ zur qurqınıç buluın, bu qısada Rakka operaśiyasınıñ tiz arada başlawnıñ zarurlığın quzğatıp, äzerleklären moña qarap yasawların belderde.

"Süriyädäge watandaşlar suğışın xäl itmiçä, “DEAŞ”nı tulısınça beterü mömkin tügel”, - dip äytüçe Blinken Süriyädä daimi çişeleş aldında Äsäd häm Rusiyäneñ yasağan adımnarınıñ kirtä bularaq toruı fikeren yaqladı.

"Törkiyäneñ Süriyäle qaçaqlar mäs’äläsendä başqarğan êşläre ışanmaslıq, bolarğa räxmätlebez”, - dip açıqlaw yasawçı Blinken törek xalqı kürsätkän qunaqçılıqnıñ bik qimmätle buluına basım yasadı.

Kiprdağı çişeleş barışına da tuqtalıp uzuçı AQŞ däwlät särkätibe urınbasarı utrawda çişeleşkä ireşelgän oçraqta "tarixi uñışnıñ tormışqa aşırılaçağın” häm monıñ härkemneñ faydasına bulaçağın assızıqladı.

İlçe Bass ta Törkiyä ni çaqlı köçle häm mul bulsa, Amerika Quşma Ştatları da şul çaqlı şat bulaçağın beolderde. Bass ike il arasındağı iqtisadi êlemtälärneñ tiränlegenä iğtibarnı yünältep, Änkara belän här mäs’älädä bik yaqın êşläwlären häm böten mäs’älälärne açıq itep söyläşülären äytte.