Rusiyädän Törkiyägä küzläw mäğlümatları
Ankarağa “Färat qalqanı” operaśiyäse öçen radio signallarınnan, êlektron häm optik surätlärdän alınğan küzläw mäğlümatı cibärelä başladı
Rusiyädän Törkiyägä “Färat qalqanı” operaśiyäse öçen kiräkle küzläw mäğlümatları kilä başladı.
Rusiyäneñ “İzvestiya” gazetına kürä, Törkiyä ilbaşı Räcäp Tayyip Ärdoğan belän Rusiya Federasiyäse däwlät başlığı Vladimir Putin uzğan atnadağı telefon söyläşüendä kileşkänçä Mäskäwdän Törkiyä räsmi zatlarına küzläw mäğlümatı citkerelä başladı.
Rusiya Federaśiya şurasınıñ saqlanu häm iminlek komitetı başlıq urınbasarı Franś Klinśeviç Ankarağa radio signallarınnan, êlektron häm optik surätlärdän alınğan küzläw mäğlümatı cibärelüen , şulay uq Törkiyäneñ dä Rusiya belän mäğlümat urtaqlaşaçağın citkerde.
Rusiyädän küzätüçe törkemneñ 24-28 oktyabr’ könnärendä Törkiyä cirlärendä küzätü oçışı başqaruı kötelä.
Xalıqara açıq hawa kiñlekläre kileşüe qısasında AN-30 B oçqıçı belän yasalaçaq oçış fevral’ ayında yünäleş koordinaśiyäse citeşsezlege säbäbe belän ğamäldän çığarılğan ide.
Rusiya Federaśiyäse saqlanu ministrlığı atom-töş risk kimetü üzäge başlıq wäkile Sergey Zabello mäs’älä belän bäyle yasağan belderüendä küzätü oçışları öçen İskeşähär hawa mäydanınıñ qullanılaçağın citkerde.
Bäyläneşle xäbärlär
Terrorçılıqqa qarşı köräş däwam itä
Süriyäneñ tön’yağında 3 “PKK/YPG”le terrorçı täêsirsez xälgä kiterelde
