Abbas Änkarağa kilde
Fälästin däwlät başlığı Mäxmüt Abbas räsmi söyläşülärdä qatnaşır öçen Änkarada
Anıtkabergä barıp, Atatörek mavzoleyına çäçäk quyğan häm 1 minut tın alğan Abbas soñınnan Misak-ı Milli manarasına barıp, Anıtkaber maxsus däftärenä imzaladı.
Fälästin ilbaşı tübändägeçä yazdı: “Bu olı ilneñ xalqına, êlekke häm yaña citäkçelegenä xörmätläremne citkeräm. Bu bäyläneştä böyek lider Mostafa Kämal Atatörek Törkiyä Cömhüriyäteneñ qorılış barışında kürsätkän böyek rölen täqdir itäm. Fälästin xalqınıñ olı yulbaşçı Atatörekneñ ruxına, Ärdoğan citäklägän Törkiyä citäkçelegenä häm törek xalqına sälamnären citkeräm.”
Fälästin däwlät başlığı Abbas soñınnan Törkiyä Böyek Millät Mäclesenä barıp, Mäcles başlığı İsmail Kahraman belän küreşep söyläşte.
Abbas söyläşüdä Fälästinneñ Törkiyä däwläte belän bulğan mönäsäbätläreneñ tarixi, geografik buluın, ike il mönäsäbätläreneñ ütkändäge kebek kiläçäktä dä däwam itäçägen assızıqladı.
Mäxmüt Abbas: “Bezneñ Törkiyä däwläte belän bulğan mönäsäbätlärebez ayıruça dini cähattän üzençälekkä iyä. Bu dini üzençälek bezneñ tarixi, geografik häm ğasırlarğa barıp tayanuçı bäylelegebezne, ömetlärebezne, maqsatlarıbıznı üz êçenä ala,” – dide.
Abbas Törkiyäneñ Fälästingä êçkersez yärdämen onıtmayaçaqların häm bu yärdämneñ kiläçäkne dä yaqtırtaçağın belderep, Törkiyä belän mönäsäbätlärneñ här yaqlap köçle räweştä däwam itüen, kiläçäktä dä däwam itüen teläwlären citkerde.
Qunaq ilnaşı Mäcles başlığı Kahraman belän FETÖnıñ 15nçe iyul’ könge tüntäreleş kereşüendä bombalanğan urınnarın gizde.
Törkiyä Böyek Millät Mäcleseneñ Xörmät zalında qırıyına bomba ırğıtılğan baqçağa çığqqan Abbas monda känäfer çäçägen quydı.
