“Operaśiyadä bulaçaqbız, östäl artında da"

Törkiyä premyer-ministrı Binali Yıldırım koaliśiya köçläreneñ hawadan yärdäme belän başlatılğan Musul operaśiyasendä Törkiyä reaktiv oçqıçlarınıñ da qatnaşuın açıqladı.

Yıldırım Başika şähärçegendäge törek ğaskäriläre belem birgän Ninova möcahidlarınıñ da Musul operaśiyasenda urın aluın belderep: “Törkiyäneñ Musulda êşe yuq dip äytüçelärgä cawap birelde,” – dide.

Ğadälät häm qalqınu partiyaseneñ törkem cıyılışında çığış yasağan premyer-ministr Törkiyäneñ Musuldağı täraqqıyätlärne yaqınnan küzätep baruın belderep, xökümät bularaq Törkiyä ilbaşı Ärdoğannıñ “Operaśiyadä bulaçaqbız, östäl artında da” digän süzläreneñ artında toruların äytte.

“Xäzerge waqıtta operaśiyadä alğı saflarda buluçılar bez Başikada belem birgän suğışçılardır,” – dip äytkän Yıldırım tübändägeçä däwam itte: “Ninova möcähidları operaśiyadä qatnaşa. Hawadan yärdäm kürsätüdä bezneñ hawa köçläre dä bar.”

Törkiyäneñ töbäktä tınıçlıqnı, iminlek häm totrıqlılıqnı urnaştırunı maqsat itüen assızıqlağan Yıldırım: “Törkiyä ilebezgä qarağan härtörle yanawğa qarşı kiräkle närsälärne şunduq başqarır. Berkemnän dä röxsät almıybız. Törkiyä çik buyları iminlegen här şartlarda saqlawnı däwam itteräçäk,” – dide.