Venesuêla ilbaşı Törkiyägä kilä

İle Venesuêlada awır könnär kiçergän häm tüntäreleş yanawı belän oçraşqan däwlät başlığı Nicolas Maduro 11nçe üktäbr’ könne Törkiyägä kilä.

Nicolas Maduronıñ 9-13nçe üktäbr’ könnärendä İstanbulda oyıştırılaçaq 23nçe Bötendönya ênergetika kongressında qatnaşuı häm Törkiyä Ärdoğan belän küreşep söyläşüe kötelä.

Maduro yänä İstanbulda oyıştırılaçaq Tışqı iqtisadi mönäsäbätlär şurasınıñ Törkiyä-Venesuêla êş şurası cıyılışında da qatnaşaçaq.

Säfärdä neft’ belän ber rättän tabiği çığanaqlar cähatennän bay bulğan Venesuêla belän Törkiyä arasındağı xezmättäşlek mömkinlekläre qaralaçaq.

İñ zur neft zapaslarınnan bersenä iyä bulğan Venesuêlanıñ igençelek, azıq-tölek, daru häm cıyıştıru äyberläre mäs’äläsendäge aşığıç ixtıyaclarnıñ qanäğatländerelüe öçen törek tarmaq wäkilläre bu cıyılışqa ayıruça çaqırıldı.

Venesuêlanıñ êlekke liderı Hugo Chaveznıñ yaman şeştän yaqtı dönyadan kitüennän soñ waqıtlı ilbaşı bularaq wazifa başqarğan Nicolas Maduro 2013nçe yılnıñ 14nçe aprel’ könge ğomüm saylawdan soñ däwlät başlığı bulıp saylanğan.

Maduro ilendä könnän-kön köçäygän oppoziśiya belän häm ikençe yaqtan da iqtisadi krizis belän köräşä.