Gülän Amerikadan qaçarğa äzerlänä

”Fätullahçı terror oyışması/parallel’ däwlät qorılışı” (“FETÖ” ) citäkçese Fätullah Gülän Amerikadan qaçarğa äzerlänä.

Mediada urın alğan xäbärlargä kürä ,Törkiyädä 15 nçe iyül’dä tormışqa aşqan tüntäreleş kereşüeneñ boyırığın birgän “FETÖ” citäkçeseneñ AQŞtağı könnäre axırına yaqınlaşa.

”FETÖ” citäkçese 1999 nçı yıldan birle yäşägän Pensilvanyadan qaçaçaq.

 Anıñ qaçu planın añlap alğan Törkiyä şunduq êşkä kereşte.

Törkiyä ğadälät ministrı Bäkir Bozdağ Gülänneñ qaçuın totqarlaw öçen AQŞtan anı aşığıç räweşta saq astına alunı taläp itülären belderde.

Törkiyä ilbaşı Räcäp Tayyip Ärdoğannıñ AQŞ säfäre waqıtında “FETÖ”citäkçese qaça alaçaq illär belän bäyle küzläw mäğlümatları da citkerelde.

Ğadälät ministrı Bozdağ:”Qayber illärdä “FETÖ” äğzaları aña yaña urın êzli. Bu xaqta mäğlümatlarıbız bar”,-dide.

Mediadağı däğwağa kürä,”FETÖ”citäkçese öçen Braziliyadan sıyınu taläp itelde.

 “FETÖ” äğzaları Kanada häm Bel’giyädä dä äzerlek başqara.

Nigä bu illär saylandı soñ?

Kanada belän Törkiyä arasında kire qaytarıp birü mäs’äläsendä xoquq yulları yabıq.

İke il arasında ğayeple keşelärne qaytarıp birü belän bäyle kileşü yuq.

Braziliya häm Bel’giya belän isä xoquqi barış ğamäldä, ğayeple keşelärne kire qaytarıp birü kileşüläre bar.

Fäqät Bryussel’ belän Änkara arasında bu kileşü barı tik kağäzdä genä.

Bügenge köngä qadär Belgiya “PKK” häm “DHKP-C” terrorçıların kire qaytarıp birmäde.