Alman jurnalına Törkiyädän reakśiya

Mäs’älä belän bäyle belderü yasawçı Tışqı êşlär ministrlığı süzçese Tanju Bilgiç “Der Spiegel” tışlığınıñ İslamiyät xaqında da tiskäre uy-fiker tudıruın belderde.

Jurnal tışlığınıñ Törkiyäneñ imidjın bozunı maqsat itüen assızıqlawçı Bilgiç: "“Der Spiegel” jurnalınıñ ilebez belän bäyle maxsus sanında buldırırğa tırışuı kürengän imidj – bilgele ber waqıttan birle Awrupada bertörkem media organnarınıñ, ilebezne maqsat itep alıp, cämäğätçelektäge imidjın qaqşatunı maqsat itüçe bozıq häm aldan uq tiskäre xökemle zihenneñ yaña ber küreneşen täşkil itä. Telgä alınğan maxsus sannıñ tışlıq biteneñ bik qotırtuçı, barı tik Törkiyä turında ğına tügel, İslamiyät xaqında da tiskäre uy-fiker buldıraçaq räweştä äzerlänüe iğtibarnı cälep itä”, - dip äytte.

Bilgiç: “Şuşı uq räweşle xalıqnıñ zur yaqlawı belän demokratik bularaq saylanğan Xörmätle İlbaşıbıznı törle bilgelämälär belän yamanlawğa yünälgän tırışularnı da borçılıp gäyeplibez”, - dip äytte.

“Der Spiegel”neñ Törkiyä maxsus sanınıñ tışlığındağı räsemdä Ärdoğannıñ süräte belän bergä mäçet manaraları raketa şäkelendä taswirlanğan ide. Başça bularaq ta: “Ber il iregen yuğalta” süzläre qullanılğan ide.

Jurnalnıñ “Fätullahçı” (FETÖ/PDY) terror oyışması/parallel däwlät qorılışınıñ 15nçe iyül’däge qanlı tüntäreleş kereşüe belän Törkiyä demokratiyäsen maqsat aluın isä kürmämeşkä salınuı iğtibarnı cälep itä.