NATO ğomum särqätibe Änkarağa kilä
Söyläşü kön tärtibendäge töp mäs'älälär - “Fätullahçı terror oyışması”na qarşı köräş häm Süriyäneñ tönyağında däwam itüçe “Färat qalqanı” operaŝiyäse
567439
NATO ğomum särqätibe Yens Stoltenberg Törkiyä xökümäte häm xalqı belän tayanışunı kürsätü,Törkiyä armiyäseneñ NATO êçendäge ähämiyätenä basım yasaw öçen 8 nçe sentyabr’dä kiçke säğätlärdä Änkarağa kilä.
Stoltnbergnı Törkiyä ilbaşı Räcäp Tayyip Ärdoğan häm premyer - ministr Binali Yıldırım qabul itäçäk.
Söyläşülärdä berençe çiratta “Fätullahçı terror oyışması”na qarşı köräş häm Süriyäneñ tönyağında däwam itüçe “Färat qalqanı” operaŝiyäse turında süz baraçaq.
NATO ğomum särqätibe 15 nçe iyül’däge tüntäreleş kereşüennän soñğı Törkiyägä kritik säfärendä Törkiyä Böyek Millät Mäclese başlığı İsmail Kahraman, ğomum ştab başlığı armiya generalı Hulusi Akar häm milli saqlanu ministrı Fikri Işık belän dä küreşep söyläşäçäk.