Ärdoğan - Şi Cinping söyläşüe

Törkiyä ilbaşı Räcäp Tayyip Ärdoğan Qıtay Xalıq Cömhüriyäte däwlät başlığı Şi Cinpingnıñ çaqırulı qunağı bularaq säfär yasağan Qıtayda ike yaqlı söyläşülär belän ber rättän G20 Däwlät häm xökümät başlıqları oçraşuında qatnaşaçaq.

Törkiyä ilbaşı Ärdoğan Qıtayda berençe itep Şi Cinping belän küreşep söyläşte.

Bu söyläşüdän soñ ike il arasında xezmättäşlek kileşüläre imzalandı.

Törkiyäneñ Ênergetika häm Tabiği çığanaqlar ministrı Bärat Albayrak qıtaylı xezmättäşe belän yañartıla alınuçı ênergetika, kümer häm atom-töş ênergetika iminlek ölkäsendäge kileşülärgä qul quydı.

Premyer-ministr urınbasarı Mäxmät Şimşäk tä Qıtayğa yasaluçı fistaşki êksportı belän bäyle kileşüne dä Qıtaylı xezmättäşe belän imzaladı.

İke lider soñınnan Törkiyä häm Qıtay arasında tözeläçäk kileşü häm protokollarnı imzalaw tantanasında qatnaştı.

Törkiyä ilbaşı soñınnan Berläşkän Millätlär Oyışması ğomüm särqätibe Ban Ki-Moon belän dä küreşte.

Ärdoğan AQŞ däwlät başlığı Barack Obama häm Rusiyä Federaśiyase ilbaşı Vladimir Putin belän dä küreşep söyläşäçäk.

Ärdoğan-Putin söyläşüe Törkiyä waqıtı belän 16:15tä çınğa aşaçaq.

G20 Däwlät häm xökümät başlıqları oçraşuında qatnaşaçaq Ärdoğan Awrupa Berlege illäreneñ däwlät häm xökümät başlıqları belän dä söyläşülär ütkäräçäk.

Qıtay säfärendä Ärdoğan yanında premyer-ministr urınbasarı Mäxmät Şimşäk, tışqı êşlär ministrı Mäwlüt Çavuşoğlu, İqtisad ministrı Nihat Zäybäkçi, Ênergetika häm tabiği çığanaqlar ministrı Bärat Albayrak belän Milli küzläw oyışması kiñäşçese Xakan Fidan bar.