Törkiyä ilbaşı Qıtayda
Ärdoğan 4-5 sentyabr könnärendä uzaçaq G-20 sammitında qatnaşaçaq
564050
Törkiyä ilbaşı Räcäp Tayyip Ärdoğan 4-5 sentyabr könnärendä uzaçaq G-20 sammitında qatnaşır öçen Qıtaynıñ Xançjou qalasına kitte.
İlbaşı biredä Amerika Quşma Ştatları ilbaşı Barak Obama,Rusiya Federaŝiyäse däwlät başlığı Vladimir Putin belän küreşep söyläşäçäk.
Ärdoğannıñ Germaniya kanŝlerı Angela Merkel,Franŝiya ilbaşı Fransua Olland häm İtaliya premyer-ministrı Renzi belän dürt yaqlı oçraşu ütkärüe planlaştırıla.
Yuğarı däräcäle oçraşuda global kön tärtibe belän bäyle mäs’älälär qaralaçaq.
Ärdoğan Obama belän “Fätullahçı terror oyışması”citäkçese Fätullah Gülänne Törkiyägä qaytarıp birü häm “Färat qalqanı” xäräkäte xaqında söyläşäçäk.
Putin belän oçraşuda isä ike yaqlı iqtisadi mäs’älälär belän bergä Süriyä probleması da quzğatılaçaq.