İsmail Kahraman Pol'şada

İsmail Kahraman Urta häm Könçığış Awrupa illäre parlament başlıqlarınıñ ciyılışında qatnaşu öçen kitkän Polşada oçraşularnı ütkärä başladı.

Kahraman berençe bularaq Pol'şa parlament başlığı Marek Kuchinski belän oçraştı.

Delegaśiyälär arasında oçraşu Pol'şa Parlamentınıñ binasında ütkärelde.

Parlament başlığı soñınnan Törkiyäneñ Varşava tulı wäkalätle ilçelege tarafınnan  oyıştırılğan 30nçı avgust Ciñü Bäyräme uñayınnan oyıştırılğan qabul itü çarasında qatnaştı.

Kahraman 30nçı avgust Ciñü Bäyrämen qotladı häm Polşanıñ Törkiyäneñ Awrupa Berlegenä kerü maqsatın xuplağanın söyläde.

15nçe iyul könge tüntäreleş kereşüen Awrupalı räsmi zatlarına añlatqan Kahraman:

“15nçe iyul könendä ber qara kön yäşädek. İqtisadı häm säyäsi strukturası köçle ber däwlät bularaq millät belän bergä ciyıldıq häm 20 säğät êçendä böten tormış cayğa salındı. Häm Törkiyäbez iminle adımnar belän kiläçäkkä taba yörergä däwam itä”,digän süzlärne qullandı.

Millätlärneñ xätereneñ ähämiyäten assızıqlağan İsmail Kahraman:

“Polşa parlamentında ber êlmä taqtasın kürdem. Şuşı süzlär belän tämamlana ide, bik oxşatıp qaldım. “Xäteren yuğaltqan millät vöcdannı yuğaltqan dimäk bula. Ğadättän tış ber süz. Xäterebezne gel yañartırğa tiyeşbez. Ul räweştä genä  kiläçäkkä iminle räweştä yörerbez häm kiläçäkkä köçle bularaq ireşerbez”,dide.

Kahraman qabul itü çarasınnan soñ qunaq Parlament başlıqları öçen xäzerlängän kiçke aşta qatnaştı.