Ärdoğan - Biden söyläşüe

Törkiya ilbaşı Räcäp Tayyip Ärdoğan räsmi säfär belän Änkarağa kilgän AQŞ viśe-prezidentı Joe Bidennı İlbaşı idaräse kölliyätendä qabul itte.

Söyläşüdän soñ oyıştırılğan matbuğat oçraşuında ilbaşı Ärdoğan FETÖ atamanı Gülänneñ qaytarıluınıñ soraluın äytte.

Ärdoğan: “Amerika Quşma Ştatlarınıñ bu mäs’älädäge xaqlı kötkänebezne qanäğatländeräçäk kiräkle adımnarnı yasayaçağına ışanam,” – dide.

Törkiyä ilbaşı tübändägeçä däwam itte: “DEAŞ” belän ber rättän terrorçılıq belän köräş töbäktäge iñ möhim mäs’äläder. Terror oyışmasınıñ yaxşısı, naçarı bulmas. Milli iminlegebezne yanawğa röxsät birmäyäçakbez”.

AQŞ viśe-prezidentı isä: “FETÖ başlığı Gülänne yaqlaw öçen bernindi säbäbebez yuq,” – dide.

“Tüntäreleş kereşüeneñ berençe mizgellärennän başlap sezneñ yanda buldıq, sezneñ beläñ bergä bez,” – digän Biden: “Gülänneñ qaytarıluı mäs’äläsendä yaqın xezmättäşlek başqaraçağıbızdan bernindi şiq-şöbhä yuq,” – dip belderde.

Joe Biden törek häm Amerikan xalıqlarınıñ terrorçılıqqa qarşı kiregä adım yasamayaçağın citkerep: “Amerikan xalqı sezneñ yanda. Barack Obama berençe bulıp şaltıratuçılardan ide. Açulanmağız, tağın da irtäräk kilsä idem,” – dide.