"Ärdoğan - İslam dönyasında tigezlek faktorı"

Alman advokat Yaxya Heising Törkiyä ilbaşı Räcäp Tayyip Ärdoğannıñ İslam dönyasında tigezlek faktorı buluın äytkän.

Yaxya Heising Ärdoğannıñ İslam dönyası öçen möhim lider häm şäxes buluın assızıqlap, tübändägeçä däwam itte: “Ärdoğan İslam dönyası öçen tigezlek faktorı İslam dönyasınıñ ruxıy teräge. Ärdoğan İslam geografiyasendä ber ildä saylawda qatnaşsa, 90%lıq tawış cıya alaçaq lider. Törkiyä Ärdoğannı bik yarata. Ul Törkiyädä xaqimiyätkä kilgänçe qızğanıç Törkiyädä küp naçar närsälär bar ide. Läkin ul kilgännän soñ här ölkädä bulğanı kebek demokratiya häm keşe xoquqlarında alğarış küzätelde. Anıñ säyäsäte könbatış illären tınıçsız itä”.

Räcäp Tayyip Ärdoğannıñ İslam dönyasın berläşterergä teläwenä işarät itkän Heising Fätullahçı terror oyışması/parallel’ däwlät qorılışınıñ 15nçe iyul’ könge tüntäreleş kereşüe uñışqa ireşkän oçraqta barlıq İslam dönyasınıñ tigezsezlekkä duçar qalaçağın äytep: “Läkin şöker tüntäreleşçelär uñışqa ireşmäde,” – digän.

Barlıq İslam dönyasınıñ Törkiyäne häm Ärdoğannı küzätüenä iğtibarnı cälep itkän heising könbatış illäreneñ Törkiyägä qarşı totışların da tänqitlägän.

Heising: “Bu – mänfäğat säyäsäte. Germaniyaneñ Qıtay häm AQŞ belän qorğan iqtisadi mönäsäbätlärenä küz salığız. Berkemdä keşe xoquqları turında süz itmi. AQŞ ilbaşı Barak Obama Nobel tınıçlıq bülägen aldı, läkin keşe xoquqları bozılıp, şaqtıy keşe yaqtı dönyadan kitte. Guantanamo yabılmadı. Bolarnı berkem dä tänqitlämi, bu ike yözlelekter,” – digän.

Alman advokat Yaxya Heising Fätullahçı terror oyışması/parallel’ däwlät qorılışınıñ 15nçe iyul’ könge tüntäreleş kereşüendä törek keşeseneñ tanklarğa qarşı toruınıñ üzen bik täêsirläwen dä äytkän.

Tüntäreleş kereşüe waqıtında xälä cefete belän İstanbulda buluın beldergän Heising: “Koca Mustafa paşadağı Ramazan äfände cämiğında idem. Xäläl cefetem şaltırattı, şunduq öygä qayttım. Törkiyä ilbaşı Räcäp Tayyip Ärdoğannıñ çaqıruınnan soñ qayınatam häm ulım belän uramğa çıqtıq. Ärdoğan xaqimiyäten cimerü maqsatı bekan planlanğan tüntäreleş kereşüe ide,” – digän.