“Ciñü –demokratiyäneñ, mäydan – millätneke”digänegez öçen räxmät sezgä”

Törkiyä ilbaşı Räcäp Tayyip Ärdoğan İstanbuldağı “Demokratiya häm şähitlär”mitinğındağı çığışın “15 nçe iyül’ tönendä ”Fätullahçı terror oyışması/parallel’däwlät qorılışı”na Watanın cannarı bärabärenä täslim itmägän millätemä räxmätläremne citkeräm”dip başlap cibärde.

Ärdoğan ul tönne Törkiyäneñ cimerelüen kötkän doşmannarnıñ monnan soñ êşläreneñ tağın da qıyın buluın kürülären belderde.

İlbaşı mitingtağı küreneş –manzaranıñ kiläçäkne, demokratiyäne saqlap qalunıñ dälile buluın assızıqladı.

Atatörekneñ 1920 nçe yıllardağı yawlap alu yıllarında törek milläteneñ monı qabul itmäyäçäk qadär böyek buluın belderüen äytkän Ärdoğan:”Ğazi Mostafa Kämaldan 96 yıldan soñ Yänikapı mäydanında min dä şunı belderäm,bu millät äsirlekne qabul itmäs”,-dide.  

İlbaşı xain tüntäreleşçelärneñ  ülem cäzasına xökem itelüen teläwçe xalıqnıñ bu taläbeneñ Törkiyä Böyek Millät Mäclesendä qaralaçağın belderde.

Ärdoğan 15 nçe iyül’dän başlap bügenge köngä qadär 80 million watandaşnıñ ber tawış, ber yöräk buluın xäterlätte.

”Ul tönne manaralarda azan tawışları işetelde”dip äytüçe Ärdoğan , bu millätneñ nigezeneñ bik nıq buluı çınbarlığın härkemneñ qabul itüe kiräklegen assızıqladı.

Törkiyä ilbaşı Räcäp Tayyip Ärdoğan süzlären “Ğaziz millätemä räxmätläremne citkeräm. “Ciñü –demokratiyäneñ, mäydan – millätneke”digänegez öçen räxmät sezgä”süzläre belän tämamladı.