Yuğarı xärbi şura cıyıldı

Yuğarı xärbi şura äğzaläre bu kritik cıyılış aldınnan Anıtkäberdä ide.

Premyer-ministr Yıldırım böyek äydäp baruçı Atatörek mavzoleyına çäçäk bäylämnären salıp, ber minut tın aldı.

Şura isemennän Anıtkäber maxsus däftären imzalawçı Premyer-ministr Binali Yıldırım biregä Törkiyäneñ 15nçe iyül tönendä ikençe ber azatlıq suğışınnan ciñü belän çığuın yazdı.

Yıldırım: "Millätebezgä häm ilebezneñ bülenmäs bötenlegenä höcüm itkän böten terror oyışmaların yuqqa çığaraçağıbız töğäyen”, - dip belderde.

premyer-ministr Binali Yıldırım räislegendäge Yuğarı xärbi şura äğzaläre soñınnan Şura cıyılışı öçen Çankaya sarayına uzdı.

Cıyılış kön tärtibendäge töp maddä –“Fätullahçı terror oyşması/parallel däwlät qorılışı”nıñ15 nçe iyüldäge tüntäreleş kereşüe.

Wazıyfa başqaru waqıtları betmägän ğomum ştab başlığı armiya generalı Hulusi Akar, cir öste köçläre komandirı armiya generalı Salih Zeki Çolak häm hawa köçläre komandirı armiya generalı Abidin Ünalnıñ qağidälär kirägençä wazıyfaların däwam itterüe kötelä.

Monnan aldağı yıllarda öç kön däwam itkän şura êşçänlege Premyer-ministr Yıldırımnıñ düşämbe könge Ministrlar Şurasınnan soñ beldergäne kebek ber köndä tämamlanaçaq.

Şurada qabul itelgän qararlar ilbaşı Räcäp Tayyip Ärdoğannıñ raslawına täqdim itelgännän soñ cämäğätçelekkä citkereläçäk.