Törkiyä çigenä Süriyädän ut açıldı

Töbäktäge iminlek çığanaqlarınnan alınğan mäğlümatkä kürä, “DEAŞ”nıñ Törkiyägä yasawı mömkin höcümnärne totqarlaw häm çik buyı iminlegen täêmin itü belän wazıyfalı iminlek köçläre Karkamış ilçäse Kıvırcık mäxälläse yanındağı çikneñ Süriyä yağınnan Törkiyägä qanunsız yullardan kerergä tırışqan ber törkemne kürep aldı.

İminlek köçläre “DEAŞ” äğzäse buluı bilgelängän bu keşelärne tuqtaw öçen kisätte. Şuşı kisätüdän soñ “DEAŞ” äğzaläre bu terror oyışmasınıñ kontrolendä bulğan çikneñ Haläpneñ Cärablus ilçäse tiräsennän iminlek köçlärenä ut açtı. Xärbilärneñ utqa cawap birüe belän bäreleşlär kilep çıqtı.

Yaqınça 30 minut däwam itkän bäreleşlär arqasında çik buyında patryullären arttırğan iminlek köçläre xalıqnı çik buyına yaqın urınnarda tormaw mäs’äläsendä kisätte.