“Törkiyädä demokratik konstituśion tärtipne saqlaw”

TÜSİAD törek sänäğätçeläre häm êşmäkärläre cämğiyäte “Fätullahçı” terror oyışması/parallel däwlät qorılışınıñ (FETÖ/PDY) 15nçe iyül’ tüntäreleş kereşüennän soñ xalıqara cämäğätçelekkä döres mäğlümat birüe öçen adım yasadı.

TÜSİAD çit ildäge Törkiyä küzallawın köçäytü maqsatınnan çığıp Amerika Quşma Ştatları, Germaniya, Franśiya häm Angliyanıñ tanılğan gazetlarında "Törkiyädä demokratik konstituśion tärtipne saqlaw" isemle iğlan bastırdı.

“Financial Times”, “Le Monde”, “Washington Post” häm “Frankfurter Allgemeine Zeitung” gazetlarında basılğan iğlanda tüntäreleş kereşüenä qarşı törek xalqınıñ, säyäsi partiyalarnıñ häö böten oyışmalarnıñ demokratiyağa bäylelegenä, şuşı qimmätne saqlap qalu iradäseneñ möhimlegenä häm Törkiyä iqtisadınıñ köçenä basım yasaldı.

İğlan tekstında Törkiyäneñ dönyaküläm däräcädäge torışı belän Awrupa Berlege äğzalek barışınıñ ähämiyäte assızıqlandı häm Törkiyä iqtisadınıñ global’ krizisqa qaramastan kürsätkän çıdamlılığına iğtibar yünältelde.

İğlanda: "Törkiyä demokratiyağa bulğan tuğrılığın il külämendä anıq räweştä isbatladı. Bez Törkiyäneñ demokratiyanıñ çıdamlılığın häm xoquq östenlegenä bulğan bäylelegen kürsätergä däwam itäçägäne ışanabız. TÜSİAD şuşı global’ nigezlärneñ häm maqsatlarnıñ êçkersez yaqlawçısıdır häm yaqlawçı bulırğa däwam itäçäkter”, - dip äytelde.

TÜSİAD ayıruça bu ölkädäge mäğlümat birüneñ böten dönyağa cäyelüe öçen êlemtä êşçänlegen başlattı.

Gazet iğlannarı inglizçä, almança (nemeśça) häm franśuzça buluı belän bergä cämğise öç teldä basıldı.