Süriyälelärgä Törkiyä watandaşlığı
Ärdoğan Kilistä oyıştırılğan häm Süriyälelär dä qatnaşqan iftar aşında çığış yasadı
Törkiyä ilbaşı Räcäp Tayyip Ärdoğan Törkiyädäge Süriyälelärne watandaşlıq belän söyenderde.
Kilistä oyıştırılğan häm Süriyälelär dä qatnaşqan iftar aşında çığış yasağan Ärdoğan: “Şuña ışanam, Törkiyä Cömhüriyäte watandaşı bulırğa teläwçelär bar. Mäs’älä belän bäyle bularaq Eçke eşlär ministrlığıbıznıñ yasağan adımnarı bar. Alarğa watandaşlıq alu mömkinlegen biräçäkbez,” – dide.
Törkiyäneñ Süriyä säyäsäteneñ 6 yıl elekke belän ber ük buluın beldergän Ärdoğannıñ maqsatında Äsäd bar ide.
Törkiyä ilbaşı Äsäd belän ğailälär belän küreşülären xäterlätep, tübäñdägeçä däwam itte: “Ätiyeñ kebek bulmazsıñ dip äytä idek, yılmaya ide. Dimäk ki ike dönyası bar ide, çın dönyasın bezdän yäşerä ide. 6 yıl eçendä çın dönyası açıqlap salındı”.
Öylären, illären qaldırıp kitkän Süriyälelär sanınıñ 5 million buluın, 3 million tiräseneñ Ğiraqlılar belän bergä Törkiyädä buluın açıqlağan Ärdoğan Kilis şähäreneñ üz xalıq sanınnan kübräk Süriyälene qunaq itüen xäterlatep: “Bezneñ il bularaq räsmi çiklärebez başqa, küñel çiklärebez ayırmalıdır,” – dide.
Terrorçılıq belän köräşneñ şul uq täwäkkällek belän däwam itüen beldergän Törkiyä ilbaşı: “Bu millätneñ xainlärenä kiräkle sabaqnı biraçäkbez,” – dide.
