Törkiyä-Rusiyä mönäsäbätlärendä möhim adım

Tışqı eşlär ministrı Mäwlüt Çavuşoğlu Rusiyädä oyıştırılaçaq Qara diñgez iqtisadi xezmättäşlek oyışması cıyılışında qatnaşaçaq.

Qara diñgez iqtisadi xezmättäşlek oyışmasınıñ 34nçe ministrlar şurası cıyılışı Rusiyäneñ Soçi şähärendä 1nçe iyul könne uzaçaq.

Çirattağı räise Rusiyäneñ tışqı eşlär ministrı Sergey Lavrov öy xucalığındağı cıyılışta regional’ iqtisadi xezmättäşlek mäs’äläläre qaralaçaq.

Törkiyäneñ tışqı eşlär ministrı Çavuşoğlu başta rus xezmättäşe Lavrov beläñ ber rättän ike yaqlı söyläşülär ütkäräçäk.

Çavuşoğlu – Lavrov söyläşüe soñğı waqıtta cayğa salınu barışına kergän Törkiyä-Rusiyä mönäsäbätläre cähatennän bik möhim.

Söyläşüdä ike yaqlı mönäsäbätlärneñ yaxşıruı öçen yasalaçaq adımnarnıñ qaraluı kötelä.