"43 keşe yaqtı dönyadan kitte"

Törkiyäneñ eçke eşlär ministrı Äfkan Ala İstanbul Atatörek hawa mäydanındağı terror höcümendä 43 keşeneñ yaqtı dönyadan kitüen, 94 keşeneñ dä xastaxanädä yatuın äytte.

Ala İstanbul Atatörek hawa mäydanındağı terror höcüme belän ber rättän terror waqiğaları belän bäyle bularaq Törkiyä Böyek Millät Mäclese Ğomüm şurasına mäğlümat birde.

Eçke eşlär ministrı: “Xäzergä qadär 9ı törek, 4ese çit il keşese belän barlığı 13 keşe qulğa alındı, ülem bilbawın kigän 3 keşedän berseneñ şäxes tanıqlığı häm watandaşlığı açıqlandı. Ülüçelär sanı 43, 3 intixar höcümçesennän tış. Xäzerge waqıtta xastaxanädä 94 keşe yata. Bu ğomere özelgän 43 keşedän 19ı çit il keşese,” – dide.

Ministr Ala: “”DEAŞ” terror oyışması belän bäyle bularaq bügengä qadär 5 meñ 310 keşe qulğa alınğan, bolardan meñ 654e saq astında. 2016nçı yılda ğına da meñ 654 keşe qulğa alındı, bolarnıñ 791e – çit il keşeläre häm qulğa alınğannarnıñ 663e saq astında. Qulğa alınuçılarnıñ 371e - çit il keşeläre,” – dide.

Prokuratura çığanaqlarınnan alınğan mäğlümatqa kürä ülem bilbawın kigän keşelärdän berseneñ Dağıstanlı, berseneñ qırğız, berseneñ üzbäk buluı raslandı.