Törkiyä belän İzrail mönäsäbätläre dönyanıñ kön tärtibendä ide

 Törkiyä belän İzrail arasında 6 yıldan soñ ireşelgän cayğa salu  waqıtı dönyanıñ kön tärtibendä ide.

Aq Yorttan kilgän räsmi açıqlawı belän bäyle Amerika Quşma Ştatlarınıñ vitse-prezidentı Joe Biden da twitterdan yullama urtaqlaşqan.

Biden yullamada: “Törkiyä häm İzrailneñ mönäsäbätlärendäge cayğa saluwın  öyrändek. İke ilne dä qotlıbız.Töbäk öçen zur mömkinlek”,-dide.

İreşelgän kileşüdän soñ Ğazzädäge Hamas idaräsennän isä Törkiyägä räxmätlären beldergän.

Hamas Ğazzä xalqına bulğan yärdämnäre häm blokadanıñ ciñeläytü öçen tırışlıqları arqasında Törkiyä ilbaşı Räcäp Tayyip Ärdoğan häm Törkiyägä  räxmäten belderde.

 Törkiyäneñ Fälästin xalqına  yärdäm itüneñ däwam itüe häm êmbargonıñ tulısınça ğämäldäñ çığarıluı taläp itelgän.

Fälästin tışqı eşlär ministrı Riyad Äl-Maliki dä Törkiya belän İzrail arasında ireşelgän kileşüne zur qänäğät belän  qarşı aluwın beldergän.

Fälästin däwlät başlığı Mahmud Abbas belän Törkiyä ilbaşı Räcäp Tayyip Ärdoğan ayıruça telefonnan söyläşü ütkärde.

Abbas söyläşüdä Ğazzädä yärdämnärneñ barı tik Fälästin xökümäteneñ wäkile buluı Fälästin däwläte belän ike yaqlı koordinatsiya yulı belän başqarırğa mömkin buluın  citkerde.