Törkiyä-Rusiyä yaqınaya
Putin Törkiyä ilbaşı Räcäp Tayyip Ärdoğanğa xatı öçen räxmäten belderäçäk
Rusiyä Federatsiyase däwlät başlığı Vladimir Putin 24nçe noyabr könne törek hawa kinlegen bozğanı öçen bärep töşerelgän Rusiyä oçqıçı belän bäyle xatı öçen Törkiyä ilbaşı Räcäp Tayyip Ärdoğanğa räxmäten belderäçäk.
İlbaşı idaräse çığanaqları ike lidernıñ çärşämbe könne telefonda küreşäçäklären citkerde.
Söyläşüdä Putinnıñ Ärdoğanğa rus pilotınıñ yaqtı dönyadan kitüe arqasında borçu toyuın belderüçe xatı öçen räxmät äytüe kötelä.
Söyläşüneñ çınğa aşacağına qarağan açıqlaw Kreml sarayı tarafınnan da citkerelgän.
İlbaşı idaräse çığanaqları Ärdoğannıñ Putinğa cibärgän xatında ğafu ütenmäwen beldergän.
Xatta ülgän pilotnıñ ğailäseneñ qayğısı belän urtaqlaşu urın alıp: “Ğayepläp qalmasınnar,” – dip äytelüe assızılandı.
Citkerelgän borçunıñ däwlätkä tügel, ä ğailägä qarata buluına basım yasawçı çığanaqlar ğailägä kompensaśiyaneñ tülänüenneñ xatta urın almawın citkergän.
Törkiyä premyer-ministrı Binali Yıldırım Rusiyägä bärep töşerelgän oçqıç belän bäyle kompensatsiyaneñ tülänelüe turında süzneñ barmawın äytte.
Ğadälät häm qalqınu partiyaseneñ Törkiyä Böyek Millät Mäclesendäge atnalıq törkem cıyılışında çığış yasağan Yıldırım: “Bez barı tik borçularıbıznı ğına citkerdek. Kompensatsiya turında süz barmıy,” – dide.
