Törkiyä-İzrail mönäsäbätläre tözälä

İzrail “Mavi Marmara” höcümendä ğömere özelgännärneñ ğailälärenä kompentsatsiyä tüläwe häm Törkiyäneñ Ğazzädäge humanitar yärdäm itüenä  qatışuın qabul itte.

Törkiyä-İzrail ike yaqlı mönäsäbätläreneñ normälgä kilü xaqındağı  kileşü berketmäse 26nçe iyun yäkşämbe könne Rimda näticälängän.

İzrail 2013nçe yılnıñ mart ayında Törkiyäneñ berençe taläben qänäğätländerep tarixta berençe tapqır çit il däwlättennän ğafü ütengän ide.

İreşelgän  kileşü berketmäse qısasında Törkiyäneñ başqa ike şartı da İzrail tarafınnan qabul itelgän. 

İzrail “Mavi Marmara” höcümendä ğömere  özelgännärneñ ğailälärenä kompentsatsiya tüläwe häm Törkiyäneñ Ğazzädäge keşelek dramasına qatışuın qabul itkän buldı.

İke il arasında ireşelgän kileşü berketmäse qısasında Törkiyäneñ Ğazzäğä humanitar yärdäm belän bergä tınıç xalıq öçen eşlänmälärneñ kereşen tämin itäçäk häm töp investitsiyälärne başqaraçaq, monıñ öçen Ğazzä xalqınıñ qullanuı öçen toraqlar tözeläçäk häm 200 urınlı Törkiyä- Fälästin Duslıq xastaxanäse dä iñ qısqa waqıtta xezmät itäçäk.

İzrail belän tämin itelgän kileşü  Törkiyäneñ 2014nçe yılnıñ 31nçe may könennän başlap kürsätkän täwäkkäl totış arqasında qazanılğan diplomatik uñdırışlılıq bularaq kürelä.

Törkiyä Premyer-ministrı Yıldırım da İzrail belän alıp barılğan söyläşülärda ireşelgän adımı belän bäyle 27nçe iyun könne säğät 13.00 tä Çankaya Sarayında ber açıqlaw yasayaçak.