Törkiyä Tönyaq Koreyanıñ raketa ırğıtuın gäyepläde

Törkiyä Tönyaq Koreyanıñ ballistik raketa ırğıtuın gäyepläde.

Tışqı êşlär ministrlığınnan yasalğan belderüdä Tönyaq Koreyanıñ xalıqara yöklämälären bozuı assızıqlandı.

Telgä alınğan şuşı wazğiyätneñ regional’ häm xalıqara tınıçlıq belän iminlekkä yanawçı üzençälektä buluına basım yasaldı.

Belderüdä: “Tönyaq Koreyanı tağın ber qat Berläşkän Millätlär Oyışması İminlek şurasınıñ bäyläneşle qararları qısalarındağı yöklämälären ütärgä häm ballistik raketa belän küpläp üterü qorallarına qağılışlı êşçänlegen tuqtatırğa çaqırabız”, - dip äytelde.