Antalyada İñ äz üskän illär cıyılışı

Berläşkän Millätlär Oyışması oyıştırğan İñ äz üskän illär cıyılışı Törkiyäneñ Antalya şähärendä başladı.

Törkiyäneñ tışqı eşlär Mäwlüt Çavuşoğlu cıyılışnıñ açılışında çığış yasadı.

Çavuşoğlu Törkiyäneñ iñ äz üskän illärgä yılda 300 million dolarlık yärdäm kürsätüen açıqladı.

İñ äz üskän illärdäge töp problemalarnıñ fäqirlek häm eşsezlek buluına iğtibar cälep itkän Çavuşoğlu: “Ägär dä bergä eşçänlek başqarsaq, tağın da ğadel häm bay dönyanı barlıqqa kiterä alırbız,” – dide.

Soñğı yıllarda iñ äz üskän illärgä kürsätelgän yärdämnärdä tübänäyüneñ buluın beldergän Çavuşoğlu: “Bu borçu tudıra. Törkiyä isä üz wazifasın cirenä citkerä häm 2015nçe yılda 3,9 milliard dolarlık aqçalata yärdäm kürsätelde. Bu san milli tabışıbıznıñ meñ 54enä turı kilä,” – dide.

Şaqtıy ministr häm yuğarı däräcäle wäkil Antalyada oyıştırılğan “İñ äz üskän illärgä qağılışlı İstanbul ğamäli programmasınıñ yuğarı däräcäle küzdän kiçerü cıyılışı”nda qatnaşır öçen Antalyağa kilde.