“Terrorğa qarşı köräştä kiregä adım yasalmayaçaq”

Törkiyä ilbaşı Räcäp Tayyip Ärdoğan İstanbuldağı Bötendönya humanitar sammitında terrorğa qarşı köräştä taşlama yasalmayaçağın assızıqladı.

Ärdoğan yuğarı däräcäle oçraşu qısasında Berläşkän Millätlär Oyışması ğomum särqätibe Ban Ki Moon,Germaniya kantslerı Angela Merkel häm başqa bik küp lider belän ike yaqlı söyläşülär ütkärde.

Törkiyä ilbaşınıñ ike yaqlı söyläşülärendä Süriyä mäs’äläse, terrorğa qarşı köräş,qaçaq draması,Törkiyä belän Awrupa Berlege ğamäl planı mäs’äläläre turında süz bardı.

BMO ğomum särqätibe Ban Ki Moon Ärdoğan belän oçraşuında New-Yorktan tış iñ zur külämle BMO sammitınıñ İstanbulda uzuına basım yasap Törkiyägä räxmätlären citkerde.

İlbaşı Ärdoğan ike yaqlı söyläşülärdä Törkiyäneñ terrorğa qarşı köräştä kiregä adım yasalmayaçağın da assızıqladı.

Törkiyäneñ berençe çiratta “DEAŞ”bulu belän bergä terror oyışmalarına qarşı köräştä alğı safta urın aluın belderüçe Ärdoğan bu yökne ğadel räweştä büleşü kiräklegen belderde.

İlbaşı Ärdoğan belän Merkel oçraşuında vizadan azat itü, terrorğa qarşı köräş mäs’älälärendä Awrupa Berlege oyışmaları belän söyläşülär ütkärü turında kileşü tä’min itelde.