Törkiyä tankerına yulbasar höcüme

Nigeriya kiñlegendä xäräkät itkän Törkiyä tankerı yulbasarlarnıñ höcümenä duçar bulğan.

Yulbasarlar Malta bayraqlı 148 metr zurlığındağı “M/T Puli” isemle tankerdağı 6 törek diñgezçesen urlağan.

Törkiyä waqıtı belän säğät 04:00 tiräsendä barlıqqa kilgän höcümdä urlanğan êkipajnıñ tanıqlıqları İlkay Olgun (kapitan), Haluk Buran (2nçe kapitan), Furkan Topcu (3nçe kapitan), Mäxmät Babacan (baş mexanik), Şükrü Dömbäk (êlektrçı), Äray Falay (osta köymäçe) bularaq açıqlandı.

Törek köymäçeläreneñ qaya alıp barıluı belenmägän bulsa, “Kaptanoğlu” tankerınıñ xucası bulğan şirkättän yasalğan belderüdä yulbasarlarnıñ qulında bulğan törek diñgezçeläreneñ sälamätlek torışlarınıñ yaxşı buluı, tankernıñ da imin räweştä xäräkäteneñ däwam itüe äytelde.

Törkiyäneñ tışqı eşlär ministrlığı, Transport, diñgezçelek häm xäbärläşü ministrlığı häm başqa bäyläneşle organnar häm oyışmalar belän êlemtägä kerelüe assızıqlanğan belderüdä mäs'älä belän bäyle täräqqiyätlär turında cämäğätçelekkä xäbär bireläçäge belderelde.