Törkiyädä möhim wäkillek
Qaçaqlarnı kire qabul itü barışı däwam itkändä Törkiyä Awrupa Berlegennän möhim wäkillekne qabul itä
Törkiyäneñ Tışqı eşlär ministrı Mäwlüt Çavuşoğlu häm Awrupa Berlege ministrı häm başsöyläşüçe Volkan Bozkır Awrupa Berlegeneñ çirattağı başlığı, Hollandiya tışqı eşlär ministrı Bert Koenders citäkçelegendä İstanbulğa kilgän Slovakiya tışqı eşlär häm Awrupa eşläre ministrı Miroslav Lajcak, Frantsiyaneñ Awrupa eşlärennän cawaplı däwlät särqätibe Harlem Desir häm Portugaliyaneñ Awrupa eşlärennän cawaplı däwlät särqätibe Margarida Marquestan toruçı wäkillek belän küreşep söyläşte.
Çırağan sarayındağı cıyılıştan alda Çavuşoğlu häm Koenders jurnalistlarına açıqlaw yasadı.
Çavuşoğlu: “Qağidäsez qaçaqçılıqqa qomaçawlaw, tärtiple häm kontrolle qaçaqçılıqnı täşwik itü - Awrupa Berlege-Törkiyä arasında möhim mäs'älä. Monıñ belän bäyle bularaq ta yul-kartabız bar. 4nçe apreldän başlap çınğa aşa başladı. Bu ğamälgä kertüneñ niçek itep tormışqa aşuına häm aşacağına da bäyä biräçäkbez,” – dide.
Wäkillek isemennäñ açıqlaw yasağan Bert Koenders Törkiyä qaçaqlarğa qarata kürsätkän qunaqçıllığına iğtibar cälep itep: “Törkiyä Cömhüriyäte häm törek xalqınıñ qunaqçıllığı 2 millionnan artıq qaçaqnı Törkiyädä qabul itü belän bolay da alğı planda. Monnan soñ kileşkänçä qaçaqçı iqtisadın beterergä häm qaçaqlarnıñ yaqtı dönyadan kitüenä kirtä quyarğa telibez,” – dide.
Söyläşüdä Törkiyä-Awrupa Berlege mönäsäbätläre, regional' häm xalıqara mäs'älälärdäge täraqqıyätlär dä qaraladı.
