Konsullıq Törkiyäneñ xuplawı belän bombalanğan

Üzäge Qatarda urnaşqan “Aljazeera İnternet" säxifäsendä çıqqan “Tışqı êşlär ministrlığı: Musul baş konsullığı Törkiyäneñ xuplawı belän bombalandı" isemle yazmada Törkiyä tışqı eşlär ministrlığınıñ Ğiraqta “DEAŞ" terror oyışmasına qarşı operatsiyanıñ Törkiyäneñ raslawı belän ütkärelüe äytelä.

Yazmada bolay diyelä: “Tışqı êşlär ministrlığı 2014nçe yılnıñ iyün ayınnan birle “DEAŞ"nıñ yawı astında bulğan häm terror oyışmasınıñ citäkçeläre qalğan Törkiyäneñ Musul baş konsullığı şähärçegeneñ 4nçe apreldä xalıqara koalitsiya äğzase illärneñ xärbi oçqıçları tarafınnan bombalanuın belderde.

"Telgä alınğan operatsiyanıñ äzerlege häm başqarıluına qağılışlı böten êtaplarda ilebezneñ qaraşı häm raslawı alınğandır", - dip äytelgän belderüdä Törkiyäneñ “DEAŞ" belän köräş alıp baruına êşçänlegenä baştan birle qatnaşqan xalıqara koalitsiya belän koordinatsiya häm xezmättäşlek êçendä däwam itäçäge assızıqlandı.

2014nçe yılnıñ iyün ayında Musulnıñ kontrolen üz qulına alğan “DEAŞ" suğışçıları, Törkiyäneñ Musul baş konsullığına höcüm oyıştırıp, baş konsul belän bergä 49 keşelek personalnı häm personal ğailälären totıq itep alğan ide. 49 keşe 20nçe sentyabrdä urlanğannarınnan yaqınça 3 ay uzğaç qotqarılıp Törkiyägä kiterelgän ide.