Törkiyädä Näwrüz qotlawları uzdırılmayaçaq

Änkara vilayät idaräse (gubernatorlığı) Näwrüzne qotlaw iseme astında ütkäreläçäk cıyılışlar belän uram cıyınnarına häm yöreşlärenä röxsät birelmäyäçägen belderde.

Belderügä kürä, Änkara vilayäte çikläre êçendä 19nçı, 20nçe häm 21nçe mart könnärendäge cıyınnarğa röxsät birelmäyäçäk.

İstanbul vilayäte idaräse dä “Xalıqlarnıñ demokratik” partiyasının (HDP) Bakırköy bistäsendä Näwrüz bäyrämen qotlaw telägen iminlek säbäbe arqasında kire qaqtı.

Şırnak vilayäte idaräse isä Näwrüz çaralarınıñ buluı mömkin nindi dä bulsa ber provokatsiyanıñ totqarlana alınuı maqsatınnan çığıp tıyıluın belderde.

Tuncäli, Ärzurum, Batman, Bingöl, Muş häm Ärzincan gubernatorlıqları da 21nçe mart aldından uzdırılaçaq cıyılışlar belän yöreşlärneñ qanunsız bulaçağın kisätte.

Kars vilayäte idaräse dä atnakiçen ütkärelüe küzdä totılğan Näwrüz cıyılışınıñ tıyıluın iğlan itte.