Litva törek xärbilären kötä
Litva saqlanu ministrı Juozas Olekas Rusiyäneñ agressiv säyäsätenä qarşı ilendä törek xärbilären kürüdän şat bulaçaqların belderde.
Olekas Rusiyä häm Baltiq illäre arasındağı kiyerenkelek, Süriyä krizisı, NATO häm Törkiyä mäs'äläsendä “Anadolu" agentlığına açıqlawlar yasadı.
Rusiyäneñ Qırımnı basıp aluı häm Ukrainağa qarşı agressiv totışınnan soñ üzlären tağın da kübräk yanaw astında xis itülären belderüçe Olekas: "Rusiyäneñ höcüm itüçe säyäsäte töbäktä yaña säyäsi torışqa säbäp buldı. Bez şaqtıy däwlät kebek saqlanuıbıznı köçäytäbez, xärbi byudjetıbıznı arttırabız", - dip äytte.
NATOnıñ Rusiyäne çigenderüe öçen tağın da kübräk çara kürüeneñ zarurlığına basım yasawçı Juozas Olekas Rusiyäneñ agressiv totışına qarşı NATO qısasında törek xärbiläreneñ Litvağa kilüen teläwen citkerde.
Olekas: “Älbättä, törek xärbiläreneñ ilebezdä kürüdän bik şat bulaçaqbız. Törkiyä – Baltiq illärendä NATO hawa politsiyası missiyäse wazıyfasın başqaruçı berençe illärdän berse. Ber ük waqıtta Törkiyägä “Patriot" raketaları urnaştırılğan çaqta belgeçlärebezne cibärgän idek. Törkiyä belän säyäsi däräcädä dä bik yaxşı mönäsäbätlärgä iyä. Litva bularaq Törkiyä belän bergä xärbi künegülärebezneñ oyıştırıluın ömet itäbez", - dip äytte.
Litva ministrı Rusiyäneñ Süriyädäge hawa höcümnäreneñ Äsäd rejimın köçäytüenä basım yasap: “Rusiyä höcümnäre Awrupadağı sıyınuçı krizisın da arttırdı", - dip bäyä birde.
24nçe noyabrdä Törkiyä hawa kiñlegen bozğan Rusiyä xärbi oçqıçınıñ bärep töşerelüe belän bäyle bularaq isä Olekas çiklären saqlaw xoquqına iyä Törkiyäneñ qorallarnı qullanunı tärtipkä saluçı angajement qağidälärenä yaraqlı räweştä xäräkät itüen assızıqladı.
