Kurtulmuş:“Problemalarnıñ nigezendä ğädelsezlek bar”
Törkiyä Premyer-ministr urınbasarı Numan Kurtulmuş Yaqın Könçığıştağı barlıq problemalarnıñ nigezendä ğädelsezlek-ğadälätsezlek häm Fälästin cirläreneñ İzrail tarafınnan yawlap alınuınıñ yatuın äytte.
Kurtulmuş İslam xezmättäşlek oyışmasınıñ İndoneziya başqalası Cakartadağı Fälästin häm Qudüs-Yerusalim kön tärtibe belän cıyılğan çirattan tış yuğarı däräcäle oçraşuında çığış yasadı.
Numan Kurtulmuş İzrailneñ Ğazzäne Yordannıñ könbatış üzänlegennän häm Qudüs-Yerusalimnan ayırıp, qamaw astında totu säyäsäteneñ däwam itüenä iğtibarnı yünältte.
Töbäktä qısqa waqıt eçendä töğäyen çişeleşkä ixtıyac buluın assızıqlawçı Kurtulmuş monıñ İslam dönyasınıñ xalıqara cämäğätçelekne xäräkätländerüe häm ike däwlätle çişeleşkä ireşelüe belän tormışqa aşa aluın belderde.
Numan Kurtulmuş Fälästingä säyäxätlärneñ täşviq itelüe, qızıqsındırıluı zarurlığına, bu räweşle Fälästin xalqın häm Harämi Şärifne saqlap bula alaçağına basım yasadı.
Süriyägä bäyle terrorçılıqqa qarşı İslam xezmättäşlek oyışması äğzase illärneñ yaqlawın sorawçı Kurtulmuş: "Fälästindäge tınıçlıq barışın cimeräçäk häm zıyan kiteräçäk waqiğalar töbäktäge kiyerenkelekne tağın da arttıra. Yaqın Könçığıştağı problemalarnıñ barısınıñ nigezendä ğädälätsezlek häm Fälästin cirlären İzrailneñ yawlap aluı yata", - dip äytte.
Şul arada 2014nçe yılnıñ noyabr ayında ütkärelgän Rabat sammitında Törkiyä täqdim itkän ike maddä düşämbe könne qabul iteläçäk Cakarta deklaratsiyäsendä bulaçaq.
İke maddägä kürä, fälästinlelär duçar bulğan keşe xoquqların bozu oçraqlarınıñ tikşerelüe öçen xökümätlärara belgeçlär törkeme tözeläçäk.
Xalıqara cämäğätçelekneñ häm öleş kertüçelärneñ xuplawın alu mäs'äläse xalıqara böten forumlarda Fälästinne yaqlaw öçen qullanılaçaq.
