Dawıtoğlu: “iminlek qurqınıç astında bulsa Törkiyä berkemnän röxsat almıyaçaq”
Törkiyä premyer-ministrı Axmät Dawıtoğlu Süriyädä yäşäyeşkä kerüe kötelgän ut tuqtatu kileşüeneñ “iminlekkä ber qurqınıç oyıştırılu räweşendä” Törkiyäne bäyle qılmıyaçağın söyläde.
Dawıtoğlu: “iminlek qurqınıç astında bulsa Törkiyä berkemnän röxsat almıyaçaq"
Törkiyä premyer-ministrı Axmät Dawıtoğlu Süriyädä yäşäyeşkä kerüe kötelgän ut tuqtatu kileşüeneñ “iminlekkä ber qurqınıç oyıştırılu räweşendä" Törkiyäne bäyle qılmıyaçağın söyläde.
Dawıtoğlu:
“Bu ut tuqtatu- Süriyä öçen Süriyä eçendä bäreleşkän taraflar öçen ğamäldä bulğan ut tuqtatu bulıp tora"dip söyläşte.
Konyada jurnalistlarnıñ kön tärtibe belän bäyle bulğan sorawlarına cawap birgän Axmät Dawıtoğlu PKK separatist terror oyışmasınıñ Süriyädäge bülege YPGneñ dä näq DEAŞ häm Äl Nusra kebek ber terror oyışması buluwına basım yasadı.
Vaşıngton häm Mäskäw citäkçelekläre arasında Süriyä öçen qabul itelgän ut tuqtatu kileşüendä bu oyışmanı terrorçı bularaq isemlänmägänen beldergän Premyer-ministr:
“Bu bulırğa tiyeşle ide. Bulmadı. Ämma şuşını belergä kiräk: Törkiyä iminlek qurqınıç astında bulğanda ber kemnän dä röxsat almayaçaq, ber kemgädä soramıyaçaq, kiräkle bulğanın yasar, çönki ul waqıttan başlap mäsälä –Süriyä mäsäläse buluwınnan çığaçaq",dip söyläşte.
Törkiyä Premyer-ministrı şuşı terror oyışmalarına yärdäm itkän illärne de qatğıy räweştä kisätte.
“Härkem üz urının belsen. “Monda ut tuqtatu kileşüe tözelde, Törkiyä bezgä ber ni yasıy almas" dip uylıy kürmäsennär, Törkiyädäge terrorçılıqqa yärdäm itkän totışların däwam itmäsennär. Törkiyäneñ küreläçäk buldırmawçı iminlek çaraları mäsäläsendä isä qarar biräçäk urını- barı tik Änkara. YPG häm arqasındağı illär – ut tuqtatu kileşüe bar dip mondıy Añlayışnı qabul itsälär, bu mäsälädäge totışıbız açık häm tögäl" dide.
Törekçädän tatarçağa Aygöl Şaripova tärcemäse
